منتدى الفرح المسيحى - زوادة اليوم: ما توقفوا تصلّوا 2024/11/2

زوادة اليوم:
ما توقفوا تصلّوا !
https://upload.chjoy.com/uploads/170210244162131.jpg
بيخبّرو إنّو في زلمي عايِش حياة بسيطة متواضعة.

كلّ يوم بيصلّي بس كانت كرمالها مشاكلو عم تزيد!

بليلة كان تِعبان و فاقِد الأمل قرَّر إنّو ما بقا يصلّي.

ضَهَر عالجنينة بيشوف عصفور عم يجرِّب يعمِّر بيتو
و بجوانحو الزغار عم يواجِه الهوا بس ما وقَّف و ضلّ يجرّب.

فكَّر هالرجّال إنّو هوّي بيشبه هالعصفور بس الفرق
إنّو العصفور ما إستسلم قدّام الصعوبات و هوّي مبلا!

فات عالبيت و صلّى و شكر الربّ
مش بس عالنِّعم اللّي عندو بس كمان عا قدرة التحمُّل
و الصبر و فكَّر إنّو لو ما ربّنا عاطيه اياهن
ما كان تحمَّل كل هالوقت و صار أقوى !

تذكَّروا إنّو قد ما اشتدِّت الصعوبات الله عينو علينا
و بيقلنا الربّ أنتم أفضل من عصافير كثيرة!

كل شي لخيرنا! ما توقفوا تصلّوا.