منتدى الفرح المسيحى - هوُّن يارب كل انتظار وقلق مؤلم

https://upload.chjoy.com/uploads/173051076365011.jpg

يارب بصلي للشخص إللي قلقان بسبب انتظاره لحاجة معينة❤️
وإللي قلقان بسبب احتياجاته.
وإللي قلقان بسب نتيجة تحليل أو اشاعة معينة.
وبصلي كمان للناس إللي في المستشفيات
وقلقانة على شخص غالي عليها
وبصلي للشخص إللي قلقان من مقابلة شغل جديد.
وإللي قلقانة وسط الزحمة وبتداري مشاعرها.
وكمان يارب إللي قاعد لوحده
ومش عارف يتصرف من كتر القلق إللي حاسس بيه
بسبب حاجة إنت وهو بس إللي تعرفها!
وإللي قلقان بسبب مكالمة معينة!!
وبصلي يارب للناس التايهه والمتلخبطة والقلقانة..
والشخص إللي انتظر كتير وقلقان لأحسن الوقت يضيع منه!!
واثق يارب إنك مش ساكت ومش بعيد❤️
واثق إنك مش متأخر لكنك صالح❤️
واثق إنك بتحضّر أفضل حاجة، وواثق كمان إنك مش بتخزي إللي بيستناك
هوُّن يارب كل انتظار وقلق مؤلم
، إنت حنين ومتأكد إننا مانهونش عليك 😊
القلق