منتدى الفرح المسيحى - كلمات ترنيمة أجمل خدام 2012

أجمل خُدام
ياما خلوا خُطاه يرجعوا مع ربنا متصالحين
دايماً ياكنيستى
ولاَّده ومليانه يا غالية برعاة صالحين

أبونا بيشوى كامل ده عظيم
وأبونا ميخائيل إبراهيم
حُب ورعاية خِدمة وتعليم
ورعاة كتير كده زيهم

حبيب جرجس خادم الإنجيل
آفا كيرلس صلاة صبح وليل
والبابا شنوده مالوهشى مثيل
آباءنا شاكرين فضلُهم

رعاة خدموا المسيح سهروا بصحيح على القطيع
وعملوا كتير عشان مفيش خروف واحد يضيع
وفتحوا حُضنهم من قبل بابهم للجميع

رعاة علشان راحتنا حبوا يبقوا تعبانين
تعب مش بس يوم ولا شُهور لكن سنين
رعاة ليهم مكانة فـ قلبنا ومِتكرَّمين

رعاة كتير قوى أسماءهم إحنا ماقُلناهاش
خدمتهم فى الخفاء لكن مابتروحشى ببلاش
دى لو كوباية ميه ربنا مابينساهاش

رعاة خدموا ببلاش إنجيل معاش سيرة تدوم
ولاخدموا نفسهم ولا كانوا عثرة لناس فى يوم
هنحيا بالإيمان إللى عاشوه وبالموت نقوم
بحر الكلام الشاعر رمزى بشاره
_______________