منتدى الفرح المسيحى - بتاخدنى هموم الدنيا تبعدنى ياإلهى عنك

https://upload.chjoy.com/uploads/172890973110041.jpg

بتاخدنى هموم الدنيا تبعدنى ياإلهى عنك
وأرجعلك تايب بذنوبى يا إلهى وأرميها عندك

دا أنت اللى إتحملت عشانى وإتدقت في إيديك مسامير
وإتحملت عذاب الصلب ودقت الخل وشفت كتير

تقبلنى وترعانى بحنانك ما إنت أبويا وأنا ضناك
ولا عمرك أبداً تنسانى ولا عمرى أبداً هانساك

ماتسيبنيش وحدى أعيش خاطى ماتسيبنيش أعيش في العصيان
حبك ساكن عقلى وفكرى وقلبى وروحى وفى الوجدان