منتدى الفرح المسيحى - أنا عايز مش بس أعرف عنك أنا عايز اتلامس واختبر اللي عرفته دا

https://upload.chjoy.com/uploads/171833767708061.jpg

عزيزي الله
عشت سنين فاكر أنك قاعد فوق في السماء بتبصلي
ولما باعمل حاجة كويسة بتبقى مبتسم
وفرحان بيٌ ولو فى يوم غلطت بتغير ملامح وشك وتزعل.
"فكر طفولي جدُا من أيام خلص أكلك كله
علشان ربنا مايزعلش منك ولو مارنمتش بصوت عالي
ربنا هيزعل منك "
لكن لما كبرت شوية عرفت إنك بتبص عليّ بس دايمًا بتبصلي بحب،
دايمًا في عنيك محبوب وغالى وأنا باعمل الصح
أو حتى الغلط، دايمًا نعمتك مغطياني
أنا عايز مش بس أعرف عنك،
أنا عايز اتلامس واختبر اللي عرفته دا🙏