منتدى الفرح المسيحى - مهما تحاول تغريني وترجع في حنيني للعالم والشرور

https://upload.chjoy.com/uploads/172960696317871.jpg

مهما تحاول تغريني وترجع في حنيني للعالم والشرور
ما خلاص قررت أبيعك معقولة أرجع وأطيعك وأترك حياة النور
إزاي أرجع وأخونه وأجرح قلبه وأهينه
أبداً مش ممكن هارجع للماضي والنسيان
دا أنا ما صدقت لاقيته ولقاني بالغفران
مش خوف من الجحيم ولا طمع في النعيم باعبد ربي الحبيب
دا حبه في قلبي شايله ولا هاقدر أنسى جمايله دا فداني على الصليب
في كل مكان ويايا وهو وحده عزايا والبهجة والأفراح
اسمه نغمة على لساني هو نشيدي وألحاني وياه أنا مرتاح