منتدى الفرح المسيحى - لازم الاتنين

https://upload.chjoy.com/uploads/172953481437731.jpg

وعلى رأي مثل:
أسمع كلامك أصدقك، أشوف أمورك استعجب!!
دي نفس الفكرة اللي بيقولها يعقوب في اصحاح ٢ من عدد ١٤ لأخر الاصحاح..
إن الإيمان بدون أعمال زي العملة الوش واحد،
صورة لكن مالهاش فاعلية، الوش التاني اللي يخلي العملة حقيقية وليها فاعلية هو الاعمال..
ماينفعش تقعد تحكي وتتكلم بس.
أعمالك هي اللي بتقول إن كان الإيمان ده حقيقة تتعاش ولا شعارات ونظريات مش قابلة للتطبيق او بعييييييدة جدًا عن الواقع والحياة اللي بنعيشها.. وبيتحدي القارئ إنه يوريه الإيمان بدون أعمال، وبيقول :
أَنْتَ لَكَ إِيمَانٌ، وَأَنَا لِي أَعْمَالٌ»
أَرِنِي إِيمَانَكَ بِدُونِ أَعْمَالِكَ، وَأَنَا أُرِيكَ بِأَعْمَالِي إِيمَانِي.
وبيختم بأية نقدر نعتبرها خلاصة أو حكمة:
كَمَا أَنَّ الْجَسَدَ بِدُونَ رُوحٍ مَيِّتٌ، هكَذَا الإِيمَانُ أَيْضًا بِدُونِ أَعْمَال مَيِّتٌ.
ساعدنا يارب وعين ضعف إيماننا..
قوي إيماننا بيك فأعمالنا تشهد عنك 🤲🏻