منتدى الفرح المسيحى - زوادة اليوم: الفرق الكبير 2024/10/21

زوادة اليوم:
الفرق الكبير
https://upload.chjoy.com/uploads/172931493876691.jpg
بيخبّرو عن رِجّال كان ماشي على الطريق
، بيلتقي بشبّ لابِس قلادة برقبتو عَم تِلمَع وعَم بتشِعّ متل نور الشمس.

بيقرِّب الرِجّال لحدّ الشبّ، وبيسألو :

«شو لابِس برقبتَك»؟

جاوب الصبي :

«أيقونة العدرا»

بيسألو الرِجّال :

«ليش»؟

جاوب :

«لأنها إمّي وإمَّك السماويِّة»

سألو :

«طيِّب في فرق بين إمَّك والعدرا»؟

جاوبو :

«أكيد لأ، بين إمّي وبين العدرا ما في فرق،
بس بَيني وبين إبنها الفرق كبير».

الزوّادة بتقلّي وبتقلَّك :

يسوع إجا على أرضنا، قرَّب كتير مِنّا، صار متلنا ليصيِّرنا مِتلو.

وقبل ما أسلم الروح على خشبة الصليب،
قال ليوحنّا بشخص كلّ واحد مِنَّا :

«هيدي إمّك»

وقلّها : «هودي ولادِك».

خلّينا ندخل إلى مدرسة مريم نِتَّلمذ على إيديها،
على أمل إنّو نصير نشبه إبنها يسوع، والله معك