منتدى الفرح المسيحى - زوادة اليوم: فَهم الآخرين 2024/10/3

زوادة اليوم:
فَهم الآخرين
https://upload.chjoy.com/uploads/172741770057881.jpg
بيخبّرو عن طفلة زغيرة طلبت من إمّها كبّاية مَيّ
، بسّ مع الأسف لَمّا جرَّبِت تشرب انكبِّت المَيّ على الأرض.

الإمّ عصَّبِت، فكَّرِت تضرب البنت، أو تقاصصها،
بس بآخر لحظة اكتَفِت إنّو ترمقها بنظرة عتاب بس.

حَسَب إعتقاد الإمّ البنت ما فهمت، وبعد لحظات
، بتشوف البنت عَم بتنبِّش بجارور الخزانة
، الإمّ بتعصِّب وبتقرِّر تُضرُب البنت على الغلط يلّي عَم تعملو.

بسّ شو كانت صدمة الإمّ كبيرة لَمّا شافِت بنتها حاملة قماشة
ومتوجّهة لمحلّ يلّي كبِّت الميّات حتَّى تنشِّفُن.

الزوّادة بتقلّي وبتقلَّك :

خلّينا نعطي الآخر يلّي موجود حَدّنا فرصة إنّو يعبِّر عن أفكارو،
ويجسِّدها بأعمال، كتير من المرّات بتكون للبنيان، والله معك.