منتدى الفرح المسيحى - صبحية مع الرب 2024/10/1

https://upload.chjoy.com/uploads/167330261772321.jpg

*صبحية مع الرب*
ما في اجمل من انّي أوعى عا صوتك يا ربّ عم تدعيني تا فوت عالسما.
بتخايلك يا ربّ اليوم واقف بين الجموع وعم يسألوك إذا كتار اللي ممكن يفوتو عالملكوت،
بس انا بطرح السؤال الأوضح: هل بقدر نال الخلاص وكون من أهل السما؟
ومع إنو جوابك ما كان واضح لإلن، بس أكيد صار واضح عندي إنّو فيه صعوبة،
فيه جدّ وجهد وكدّ وصراع مع قوى الشر اللي فيّي واللي بدّها تمنعني
من إنّي فوت من هالباب الوحيد والضيّق.*
*بتوقّفني قدّام ذاتي تا راجع حياتي عا ضوء علاقتي فيك اذا سطحية أو عميقة.
فا رح راجع علاقتي فيك، يا ربّ، انّها مش بس حضور بالكنيسة وترداد صلوات
. رح فوت للعمق معك، يا ربّ، بعلاقة جديدة ومميّزة مرتكزة عا بذل ذاتي بكلّيتا لالك،
وهيك بكون عم بقدر فوت عا ملكوتك من الباب الضيق.