منتدى الفرح المسيحى

https://upload.chjoy.com/uploads/172755071253171.jpg

بيقولوا إن أصعب خيانة ممكن تحصلك،
هي من نفسك.. مش بس لما صحتك تتعب 😢
ورجلك تكون مش شايلاك وذهنك مش بيسعفك..
لكن كمان ممكن تكون الخيانة من إرادتك.
كام مرة قررت تبطل حاجات ومعرفتش؟ 🤷
كام مرة بدأت نظام رياضي أو ريجيم ومكملتش؟
كام مرة قطعت علاقات وحاجات غلط في حياتك،
وبعد كده رجعت ولزقتها تاني بنفسك؟ 🔁
بولس الرسول عبر عن جزء من الصراع ده
في رسالة رومية وقال:
"حِينَمَا أُرِيدُ أَنْ أَفْعَلَ الْحُسْنَى أَنَّ الشَّرَّ حَاضِرٌ عِنْدِي
وَيْحِي أَنَا الإِنْسَانُ الشَّقِيُّ!
مَنْ يُنْقِذُنِي مِنْ جَسَدِ هذَا الْمَوْتِ؟" (رومية7: 21).
لكن ربنا أرشده عن الحل.. من براه المرة دي
"أَشْكُرُ اللهَ بِيَسُوعَ الْمَسِيحِ رَبِّنَا!
وَإِنْ كَانَ الْمَسِيحُ فِيكُمْ، فَالْجَسَدُ مَيِّتٌ بِسَبَبِ الْخَطِيَّةِ،
وَأَمَّا الرُّوحُ فَحَيَاةٌ بِسَبَبِ الْبِرِّ" (رومية7: 25، 8: 10)
أطلب معونته وثق فيه..
وفي اللي ممكن يعمله فيك وبيك ❤