منتدى الفرح المسيحى - كلمة غيرت يومى

https://upload.chjoy.com/uploads/172754828051781.jpg

إمبارح بقى وقفت قدام كلمة غيرت يومي
»
الكلمة اللي وقفت قدمها هي "لا تتلفت"
وحسيت كده كأنه بيكلمني أنا وبيكلمني كمان في العصر ده
بتاع الفيسبوك وانستجرام وكل الحاجات اللي تدوخ حوالينا دي🤦🏻‍♂️

الحقيقة بقالي وقت متوتر
باشوف أخبار تضايق
بتحصلي أحداث تلخبط
لدرجة بقيت بشوف صور ناس فرحانة أو ناس بتتفسح مثلاً وأنا أزعل معرفش ليه يمكن عشان هما فرحانين
وأنا لأ يعني حاجات كتير غريبة🤷🏻‍♂️
حسيت الكلمات دي بتصرخ ليّ كده «لا تتَلَفَّت»
مالكش دعوة بحد
مالكش دعوة بالظروف
مالكش دعوة بالفيسبوك بيقول إيه
مالكش دعوة مديرك ضاغط عليك إزاي
لا تتلفت مش بس ماتخفش لا ما تتشتتش يمين وشمال بأي حاجة
بلاش تروش نفسك زي اللي ماشي خايف في شارع ضلمة ببساطة لأني أنا معاك 🤝
ومش بس معاك ده أنا هسندك وهعينك وهدعمك بيميني وقوتي
عايز إيه تاني؟!
مش بقولكوا يومي أتغير😃..