منتدى الفرح المسيحى - إحسنوا الظن تكسبوا الود

https://upload.chjoy.com/uploads/172751128203621.jpg

فيه ناس اساتذه في الصيد
من غير لا شبكة او صنارة
وده لانهم مش بيصطادوا سمك ،
هم اساتذه في صيد الاخطاء
ربما خطأ غير مقصود ، وربنا مايكونش فيه خطأ اساساً
بس هم موجودين علشان يلوموك ويعاتبوك طول الوقت
احياناً كتير بيكونوا عارفين الملابسات وانهم غير مقصودين
او انك بحسن نية اخطأت ، او انك ما اخطأتش من الاساس
لكنهم متميزين في تشكيل المحاكم وملامه طول الوقت

افهموا واعرفوا انكم بدون ماتاخدوا بالكم
بتقللوا رصيد غلاوتكم في القلوب ،
واستمرارية الصيد هتخلي اللي قدامك بدل
مايعمل خاطر لزعلك طول الوقت ، هايزهق من كتر التبرير
وتتحول كلمة ماتزعلش حقك عليا ، لـ اشرب م البحر 👌
الانسان دايما بيحب الصحبة اللي فيها الكلام بيطلع عفوي ومن القلب
مش اللي يحسس معاهم علي كل كلمة قبل مايقولها
فمن فضلكم .. إحسنوا الظن تكسبوا الود ❤️