زوادة اليوم:
مش ضروري تِلغي الآخر
https://upload.chjoy.com/uploads/172741770057881.jpg
بيخبّرو عن عَنزتَين وحدِة بيضَا و وحدِة سَودا عايشين بنَفس المزرعة بس ما بيتِّفقوا و لا بيحِبّوا بعضُن أبداً و كلّ وحدِة بتقول إنّو هيّي أحلَى و أحسَن من التّانية.

إذا وحدِة راحِت تِقعُد تحت شَجرة بتِركُض التّانية تا تِسبَقها، إذا وحدِة راحِت تِشرَب بتِركُض التانية تاخِدلَها المَيّ... بيوم من الإيّام وحدِة منُّن راحِت تتمشَّى عا جِسر فوق النّهر و لحقِتها التّانية تقلَّها أنا بَدّي أوقَف هون لأ أنا جيت قبلِك و بِقيوا يتخانَقوا حتّى الجِسر ما حمِل كلّ هالتِّقل و انكسَر و وقَعوا بالنّهر تنيناتُن...

مش ضروري تِلغي الآخر تا تثبِّت وجودَك... يسوع قلّنا أحِبّوا بعضُكم بعضًا كما أنا أحببتُكم، تذكّروا هالشّي و الله معكن!