منتدى الفرح المسيحى - اطمن هاتُفرَج فى وقتها الصح👌

https://upload.chjoy.com/uploads/172730073898081.jpg

كتير بنسأل ربنا "ليه كده يارب" لكن الكتاب المقدس
بيكلمنا عن واحد كان السؤال اللي شاغل باله هو (لغاية إمتى؟)
وقال الكلمات دي للرب: "حَتَّى مَتَى يَا رَبُّ أَدْعُو وَأَنْتَ لاَ تَسْمَعُ؟
أَصْرُخُ إِلَيْكَ مِنَ الظُّلْمِ وَأَنْتَ لاَ تُخَلِّصُ؟" (حبقوق ١: ٢)
يمكن صعبان عليك إن الموضوع إتأخر
يمكن تعبان من جواك إن لسة مفيش إستجابة
يمكن زهقت ومليت من كتر الإنتظار
لو دي حالتك الوقت ده، بشجعك اعمل زي ما حبقوق عمل، عمل إيه ؟؟
بالرغم من إحباطه لكن وقف... سأل... واستني إجابة من الله على سؤاله.
والرب رد عليه واتكلم معاه وطمنه.
اكتر حاجة تشجعك فى الوقت ده، هي إن الله ساعته لا بتقدم ولا بتأخر.
اطمن هاتُفرَج فى وقتها الصح👌