منتدى الفرح المسيحى

https://upload.chjoy.com/uploads/172678792305611.jpg

أوقات كتير بنحس إن الواقع والظروف والتحديات عاملة زي الموج العالي🌊
اللي عمال يخبط فينا، كأننا وسط بحر هايج فى قلب العتمة
وماشيين عكس التيار.🌬️
إحساس مخيف مش كده ؟ ❗
الموقف ده بالظبط حصل مع التلاميذ فى (مت ١٤: ٢٤، ٢٥)
"وَأَمَّا السَّفِينَةُ فَكَانَتْ قَدْ صَارَتْ فِي وَسْطِ الْبَحْرِ مُعَذَّبَةً مِنَ الأَمْوَاجِ.
لأَنَّ الرِّيحَ كَانَتْ مُضَادَّةً.وَفِي الْهَزِيعِ الرَّابعِ مِنَ اللَّيْلِ
مَضَى إِلَيْهِمْ يَسُوعُ مَاشِيًا عَلَى الْبَحْرِ."
بعد وقت طويل من الخوف😟 والمعافرة، جالهم يسوع فى الهزيع الرابع
(أشد ساعات الليل ضلمة) ماشي على الموج الهايج ولما دخل السفينة،
الحال اتبدل والرياح سكتت. 😯
لو مُحبط وحاسس إنه اتأخر فى الإستجابة.
لو جايب آخرك ومستني تشوف واقع تاني مختلف.
اطمن مش هيسيبك تغرق.❤‍🩹
توقيتاته مظبوطة جداً👌
حاسبها كويس حتى لو مش فاهم.