منتدى الفرح المسيحى - متسيبش نفسك للشيطان يلعب بيك ويضحك عليك

https://upload.chjoy.com/uploads/17266970643761.jpg

بتحب تتكلم عن نفسك وعن إنجازاتك؟
أحيانا بيجيلك إحساس بالعظمة والكبرياء؟
بتحب الظهور قدام الناس؟

افتكر إن المسيح فضل 30 سنة مجهول تماما!
قبل ما يبدأ خدمته الخلاصية. قول لنفسك: الإله، الخالق، الضابط الكل،
عاش في هدوء وصمت، وأنا عايش منتفخ بالشكل ده؟

ساعات بتخيل مثلا إن المسيح كان بيسمع آراء ونظريات وشروحات ... إلخ
من بعض الناس اللي حواليه، لأن دي عادة البشر .. أحيانا حتى لو مش عارفين حاجة بنفتي!
وطبعا هو الوحيد اللي عنده الحقيقة الكاملة والمعرفة الحقيقية،
ومع ذلك احتفظ بهدوءه وصمته، لا انتهر حد، ولا كان بيسخر من نقص معرفة حد،
ولا كان بيعدل على حد، ولا يقلل من تفكير حد، ولا يحكي عن مجده وملكوته وسلطانه
.. ولا أي حاجة خالص!

فمتسيبش نفسك للشيطان يلعب بيك ويضحك عليك
ويوقعك في الكبرياء تاني!