منتدى الفرح المسيحى - أخرة المعروف

https://upload.chjoy.com/uploads/172634022142941.jpg

بيقولوا في الأمثال:
أخرة المعروف الضرب بالكفوف🫣
وطبعًا ده ممكن ببساطة يخلينا نبطل نعمل أي معروف
ولا نساعد حد هنبقى بخلا.. وأنا عايز أقول لنفسي قبلكم
بلاش تكون بخيل وماقصدش البخل المادي بس

افتكر واحدة ماكنش عندها غير فلسين ومع كده قدمتهم كلهم
في الهيكل ..
وولد صغير ماكنش معاه غير سمكتين و٥ أرغفة
وعرف إزاي يقدمهم من غير تراجع ويمكن ده وقتها مش العادي..

هاتعلم أكون مش بخيل في العطاء، في المشاعر
، في المحبة، في المساعدة، في التشجيع
كل حاجة تعرف تعملها وهتساعد بيها حد تاني بلاش تكسل
أو تضيع الفرصة منك لأن الكتاب المقدس قال:
فَمَنْ يَعْرِفُ أَنْ يَعْمَلَ حَسَنًا وَلاَ يَعْمَلُ، فَذلِكَ خَطِيَّةٌ لَهُ." (يع ٤: ١٧).

لأ_ده_مش_عادي