منتدى الفرح المسيحى - اديني روح إيليا في إعلان الحق

https://upload.chjoy.com/uploads/17263373787751.jpg

لما إيليا سأل أليشع تطلب ايه؟!
أليشع طلب نصيب اتنين من روح إيليا..
طلب نصيب اتنين عشان ده زي ميراث الابن البكر
، زي ما يكون عايز يكون جدير أنه يكون زي إيليا..
ولما الكتاب اتكلم عن يوحنا المعمدان.. قال إنه يأتي بروح إيليا..
يا ترى إيه كمية القوة اللي في روحك يا إيليا ؟!
إيه كمية الشجاعة في قولك واعلانك للحق
اللي تخلي الكتاب لما يوصف حد يوصفه أنه زي روحك؟

يارب يمكن أنا صغير أوي أوي أوي إني أطلب طلب زي كده..
لكن هاتجرأ إني أتعلم اكون زي إيليا.. النبي الناري..
الواثق فيك.. اللي لما بيصلي بتستجيب..
اديني روح إيليا في إعلان الحق.. اديني شجاعة زيه..
اجعل روحي متوافقة مع روحك..
منقادة بروحك القدوس زي إيليا يارب🙏