منتدى الفرح المسيحى - احنا بقينا في كدبه كبيره

https://upload.chjoy.com/uploads/172616488772741.jpg

نفسي نبطل نرسم لنفسنا صوره مش بتاعتنا
نفسي نبطل نجري علي المظهريه والنفخه الكدابه
تلاقي واحد جارح كل اللي حواليه وبيغلط وش لوش
يخافوا منه ويعملوله مليون حساب
واللي بيصون العشره وعمره ما غلطت وشايل الكل فوق كتافه
يرموه ويدوسوا عليه ويقرروا يخسروه عادي
واللي بيهينهم يخافوا يزعلوه ويفتكروله ان في مره كان بيضحك معاهم
طب واللي علمكم اذاي تفرحوا واللي عمره ماسابكم زعلانين
لا ده مش مهم
المهم اللي بيضحك في وشنا ومن ورانا بيعرينا بكلامه
نلتمس الأعذار للي غلط فينا وجرحنا وبيتكلم علينا مع كل واحد وشويه
لكن اللي كان يشوف غلطتنا ويستر علينا لا ده نيجي عليه وممكن نجرحه كمان
بقينا نحافظ علي اللي بيلف ويدور وبيكدب
وبتاع شو وضحكه كدابه وهزار ماليان بالاهانه
ونرمي ونخسر الشخص الأصيل اللي قلبه طيب اللي شالنا في عينه
صدقوني أنا مش بكتب كلام وخلاص
احنا حقيقي بقي في الدنيا كتير كده للأسف
اللي بشوفه انهارده كدب وزيف ونفخه كدابه
نصيحه أوعي تبقي جزء من ده
احنا بقينا في كدبه كبيره استحاله اكون جزء منها