منتدى الفرح المسيحى - اعمل الصح

https://upload.chjoy.com/uploads/172557193176871.jpg

ناس كتير بتكون عاوزة تعيش صح..
وبتسأل هو إيه الصح؟ إيه الحاجات
اللي المفروض أعملها علشان أكون شخص كويس؟

بس الحقيقة إن الأعمال مش بتدل على الشخص،
في ناس بتعمل أعمال تبان من برة إنها كويسة
لكن بدوافع مش نقية، أو هي نفسها من جوة خربانة،
أو علشان تعمل الحاجة الكويسة مشيت
في طرق مش صح من باب إن الغاية تبرر الوسيلة

إذا الله مش بيبص على الأعمال لأن الأعمال
بتيجي تلقائيًا نتيجة حاجة تانية،
إيه هي الحاجة التانية؟!
هكَذَا كُلُّ شَجَرَةٍ جَيِّدَةٍ تَصْنَعُ أَثْمَارًا جَيِّدَةً،
وَأَمَّا الشَّجَرَةُ الرَّدِيَّةُ فَتَصْنَعُ أَثْمَارًا رَدِيَّةً، (متي 17:7)

إن الشجرة نفسها تكون جيدة!
الله بيهتم بيك إنت من جوة، قلبك فين!
ودة صعب تعمله لوحدك لأننا أتولدنا بطبيعة ميالة للشر،
ساقطة نتيجة خطية آدم ولكن بالصليب الله دفع التمن،
فلما بقبل عمل الصليب وبقبل أدخل في علاقة مع الله،
بتبرر من كل الخطايا وبصير بلا خطية أمام الله،
خليقة جديدة، وفي العلاقة مع الله بيشفي أعماقك
وبيحررك من قيود الخطية، وتمشي في رحلة خلاص لنفسك
وسكة تشكيل فيك، ونتيجة لكده هينعكس على أفعالك..

فخليك دايمًا فاكر أن الأعمال الكويسة لوحدها
متكفيش إنها تحررك.. والشخص الكويس..
هو اللي ماشي في علاقة حقيقية مع الله.
☺️