منتدى الفرح المسيحى - واثق في رحمتك وإنك هتدي معونة وهتدي فداء

https://upload.chjoy.com/uploads/172531053842791.jpg

فكرت كتير قبل ما أكتب البوست ده.
وفي الآخر قلت يمكن في حد جواه نفس الكلام🫣

ساعات كتير بحس أنه ربنا نسي أو مش واخد باله ومش ببقى فاهم ليه ساكت وصابر على الحال ده وعلى وضعي وظروفي السيئة دي !
في مزمور ٤٤ بنو قورح يقولوا الكلمات دي:
“اِستَيقِظْ! لماذا تتَغافَى يا رَبُّ؟ انتَبِهْ! لا ترفُضْ إلَى الأبدِ
. لماذا تحجُبُ وجهَكَ وتَنسَى مَذَلَّتَنا وضيقَنا؟
لأنَّ أنفُسَنا مُنحَنيَةٌ إلَى التُّرابِ. لَصِقَتْ في الأرضِ بُطونُنا.”

الكلمات دي مرعبة معرفش أزاي قالوها لربنا!؟
انا راجعت كذا ترجمة وتعالى اقولهالك بلغتنا النهاردة ومتزعلش مني:
"اصحى يا رب! ليه مطنشنا؟ فوق! ليه رميتنا؟
ليه مدور وشك عننا، ومتجاهل ذلنا وحالتنا الكرب؟
أحنا حرفيا بنسف التراب. ومش لاقيين الراحة."
**
كلمات قاسية جدا الحقيقة أنا مقدرش اصليها ولا أقولها…..
تخيل بقى هو بيسمعها. والمرنمين في المزمور ده
عارفين أنه سامع وبيقبل الفضفضة دي!
مين الاله الجميل ده🥰

ولأن اللي كتب المزمور عارف انه هسيمعها بيقول بعدها كدة:
“قُمْ عَوْنًا لنا وافدِنا مِنْ أجلِ رَحمَتِكَ.”
**أحنا واثقين في رحمتك يا رب حتى لو مش فاهم ليه بيحصل معايا كدة
واثق في رحمتك وإنك هتدي معونة وهتدي فداء وتعوض عن كل اللي بيحصلي ده 😥