منتدى الفرح المسيحى - زوادة اليوم: لمّا الربّ بيأمر 2024/9/1

زوادة اليوم:
لمّا الربّ بيأمر

https://upload.chjoy.com/uploads/172490907419731.jpg

بيخبّرو عن رجّال مُلحِد وأفكارو كتير شرّيرة،
قرَّر إنّو يسخر من إمرأة فقيرة، بعتلها مواد غذائيِّة
مع خادمو وقلّو إذا سألِتَك مين بَعَت هالأغراض، بتجاوبها :

«الشرير».

لَمّا وُصِل لعندها أخدت مِنّو الغراض بكلّ فرح وشكرتو، بيقلّها الخادم :

«مش حابِّة تعرفي مين يلّي بعَتلِك هالأكلات»؟

أجابت المرأة بإبتسامة :

«ما بيهمّ مين ودّالي هالأكلات، حتّى لو كان الشرّير، لما الربّ بيأمر الشرّ بيتحوَّل لخير والعطيِّة بتتحوَّل لنِعَم».

الزوّادة بتقلّي وبتقلَّك :

ما تفكِّر مين يلّي ورا الخدمة ومِين يلّي عملها
، فكِّر إنّو الربّ هوّي يلّي بيرزق كلّ طَير طعامو
، وبيلبِّس كل زنابق الحقل أبهى الحُلَل.

ما تخافو لمَّا الربّ بيأمر الكون كلوّ بيخضعلو، والله معك