منتدى الفرح المسيحى

https://upload.chjoy.com/uploads/172487001575161.jpg

تعرف إن الدموع شئ صحي جداً
ربنا أوجدها جواك و جوايا علشان تكون منفذ و مخرج يريحنا
، إيه ده يعني الدموع مش نكد ؟
- لأ صدقني .

الدموع وسيلة في جسمنا بنعبر بيها عن كل إحساس
مش قادرين نوصفه أو الكلام مش كفاية عليه ،
الدموع تستخدمها في الصلاة لما تكون عايز تبكي
قصاد ربنا سواء بكاء توبة أو إمتنان و شكر .

الدموع بتستخدمها لما تكون موجوع و نفسك تعبر عن ضيقك ،
و العجيب بعدها بتحس براحة علشان كدة الموجوع
من فقدان حد بيقولوا ليه ساعد نفسك و عيط .
لإن طول ماهو مكتوم هو مكبوت جداً نفسياً
، الدموع هي البركان اللي هينفس عن نفسيته .

الدموع بتستخدمها لما تكون فرحان زيادة
، أو شاعر بمشاعر حب كبير من شخص ليك ، بتبقي دموع حب .

الدموع بنشوفها في الأفراح ، و التكريمات
، و أهداف المباريات لما يكون شخص فرحان أوي و م مصدق نفسه !!

الدموع مش حزن أو نكد ..
حاول تستخدم الدموع ، لان الوقت اللي فيه مفيش فيه دموع
بتشعر بالجفاف و إن فيه فتور بمشاعرك سواء مع ربنا
أو في مجالات حياتك عامة .

غير نظرتك للدموع .. و حبها