منتدى الفرح المسيحى

https://upload.chjoy.com/uploads/172483878212151.jpg

تعرف فلان .. أه .. عاشرته لأ.. يبقى ماتعرفوش !!
المعرفة الحقيقية تبان بالعشرة بالمعايشة وبالاحتكاك..
جم وقفوه وقالوله انت كنت مع يسوع، انت تعرفه؟! ليه ..
لأن لغتك تظهرك!
طريقتك وكلامك بيقولوا إنك كنت معاه، أنت شبهه..
شوية ناس فقرا وبسطا قالبوا المنطقة كلها ( فتنوا المسكونة)،
ليه، لأنهم عاشوا فعلًا اللي اتعملوه وسمعوه..
لو بتقول على نفسك ابن لله حقيقي، شوف انت عايش إزاي، تقبل إيه وبترفض إيه؟ وليه؟
لما تلاقي الوصية عكس مبادئ المجتمع،
بيبقى صعب عليك تنفيذها ولا بتجاهد وبتضبط نفسك
عشان تقرب من صورة يسوع؟..
اقرا الكلام دا كذا مرة وفكر وصلي وخلي الرب ينورلك ذهنك ..
"فَقَطْ عِيشُوا كَمَا يَحِقُّ لإِنْجِيلِ الْمَسِيحِ" فيلبي ١: ٢٧