منتدى الفرح المسيحى

https://upload.chjoy.com/uploads/1724191263761.jpg

بيلعب بالبيضة والحجر ..
الولد ده فهلوي..
هههههه
عرف يضحك عليه
وبقينا نصقف 👏👏👏👏للي بيعمل الغلط واللي بيلف ويدور!!
ونقول عليه ذكي وشاطر
والشخص المستقيم الواضح الصريح بقينا نقول عليه مش لطيف وممل!
اتقلبت الموازين
والصح مش مقبول
وللغلط اتعودنا عليه وبقى عادي
لأ_ده_مش_عادي
إزاي بقينا كده، استسهال الغلط واستباحه بشكل علني
راحت فين مخافة الرب؟!
إزاي مش عاملين حساب لربنا؟
وشماعة كله بيعمل كده.. بقيت متاحة
أنا عايز افتكر كل يوم إن قلبي وعقلي وسلوكي يرضيك
حتى لو همشي ضد التيار
علمني أقول لأ للي كل الناس بيقولوا عليه عادي وهو مش عادي
شاركنا بحاجة قررت تبطل تعملها
حتى لو كل الناس اللي حواليك بيعملوها عادي؟