منتدى الفرح المسيحى - كانت مش عادية

https://upload.chjoy.com/uploads/172405414789221.jpg

كانت مش عادية ..
عايشة وسط مجاعة شديدة و ظروفها المادية صعبة
وتلاقي شخص بيطلب منها أنها تعمله كعكه
و يقولها اعمليلي أنا الاول
شئ عجيب فعلا !!!!
كانت ممكن تقول جواها :-
هو مين يدي مين ؟؟؟
بس قالت له :-
أنا معنديش حد مسئول عني ، أنا ارملة و عايشه أنا وابني لوحدنا
و على أد حالي و اللي عندي يخليني اعمل كعكه لينا
نأكلها و بعدها نموت
و مع ذلك :-
صدقت كلام الرب اللي قاله إيليا لما قال :-
ماتخافيش حبة الدقيق اللي عندك مش بينقصه
و لا حبة الزيت كمان لحد ما تنتهي المجاعة
و دخلت و عملت كعكه ليه هو الاول
وفعلا ربنا تمم كلامه ..
فَذَهَبَتْ وَفَعَلَتْ حَسَبَ قَوْلِ إِيلِيَّا، وَأَكَلَتْ هِيَ وَهُوَ وَبَيْتُهَا أَيَّامًا.
كُوَّارُ الدَّقِيقِ لَمْ يَفْرُغْ، وَكُوزُ الزَّيْتِ لَمْ يَنْقُصْ، حَسَبَ قَوْلِ الرَّبِّ الَّذِي تَكَلَّمَ بِهِ عَنْ يَدِ إِيلِيَّا."

ياترى أنا وأنت وإحنا بنقابل صعوبات
وتحديات بنقدر نقدم من اللي عندنا زي ما عملت الأرملة دي ولا لأ؟!