منتدى الفرح المسيحى - تعرف ليه الشاي عظيم ؟؟

https://upload.chjoy.com/uploads/172374638897021.jpg

تعرف ليه الشاي عظيم ؟؟
عشان عمره ما شاف نفسه علينا !!
نعمله خفيف شغال تقيل شغال !!
تحط عليه لبن يقول ماشي ويبقي طعمه احلي ،،
تحط عليه نعناع يظبط مزاجك ويخليك عال العال !!
لو عندك برد بيعصر علي نفسه ليمونه 🍋 👌
لو متصدع 😆 تاخد الحباية وتشرب شاي تقيل يضبطك 🤕
تعمله في كاتل شغال تعمله في براد شغال 😇
هو الوحيد اللي بتشربه في كوباية قزاز
وميتأمرش عليك ولا عمره قالك عايز مج زي النسكافية
ولا حتي مج حراري زي الكابتشينو 😎
زعلان فرحان موجود ،،، علي القهوة وف البيت موجود
مع سندوتشات الفول والطعميه واكل السمك برضوه موجود 🤷‍♂️
لو ملقتش اكل تحط البسكوت في الشاي ،،
شايل همك ومعاك موجود 🎃
ابن اصول وباقي علي العشرة 🤝
الشاي عمره ما زعلنا ولا احتجناه وملقنهوش
، عمره ما سابنا في مناسبة او عزا او فرح 🤩
او عزومات 🤡 شوفتوا بقا الشاي عظيم ازاي ☺️💪🤨😀