منتدى الفرح المسيحى - زوادة اليوم : الإيجابيِّة 2024/8/11

زوادة اليوم:
الإيجابيِّة

https://upload.chjoy.com/uploads/172318086459261.jpg
بيخبّرو عن رِجّال سأل بحّار :

«وين مات بيَّك»؟

جاوبو :

«بالبحر».

وسألو :

«جِدَّك وين مات»؟

جاوبو :

«كمان بالبحر».

صرخ الرِجّال بغرابة :

«بعد كلّ يلّي صار، عندك الشجاعة تركب بالبحر»؟

إبتسم البحّار وسألو :

«ممكن تخبِّرني كيف مات بيَّك»؟

قلّو :

«على فرشتو».

«وجِدّك»؟

جاوب : «كمان على فرشتو».

ضُحِك البحّار وقلّو :

«معقول بعد كلّ يلّي صار عَم تنام على فَرشتك»؟

الزوّادة بتقلّي وبتقلَّك :

المُحبَطين بالحياة كتار، بتلاقِيُن على كلّ مفرق بحياتك،
ما تخلّيهُن يأثّرو عليك، كمِّل طريقك
، كون إيجابي بتفكيرك وتصرُّفاتك،
فتاح قلبك للربّ لينوِّر طريقك،
ولحتَّى تشوف العالم من خلالو أجمل، والله معك