منتدى الفرح المسيحى - الاستمتاع ميتفقش مع الأمانة

https://upload.chjoy.com/uploads/172328186086711.jpg

كتير مننا جه في وقت وحس إنه..
مش من حقه يرتاح ويستمتع, مفيش وقت لده،
لو مكملتش الدنيا مش هترحمك. 💔

أقولكم الأصعب في ناس بتشوف إن الاستمتاع ده
من أمور العالم الخاطئة يعنى حاجة غلط,
المفروض أكون أمين طول الوقت
والاستمتاع ده مضيعه للوقت. 🤦

حتى لو الحياة برتمها السريع ومتطلباتها
اللى مش بتخلص فرضت علينا كده،
لكن الله مازال بيفكرنا انى من حقي أفرح وأستمتع
بالحاجات اللي الله أوجدها في حياتي

أستمتع بعلاقاتي، أستمتع مع أهلي،
أفرح بحاجة حلوة حققتها، أستمتع بمواهبي

الله مخلقناش علشان نفضل نجري من غير راحة،
ولا علشان نعيش مسحولين ومكتئبين طول الوقت,
ودي مش هي الأمانة ولا إنى بكرم ربنا بالطريقة دي

إكرامه الحقيقي هو إنى أعيش بالصورة
اللي هو عاشها وهو ارتاح واستمتع ودى وصيته لينا 😍