منتدى الفرح المسيحى - علاقات من السما

https://upload.chjoy.com/uploads/172324122259821.jpg

شاول الطرسوسي بعد ما دخل الإيمان جديد و بقي بولس .
. مكانش عنده صاحب جوة الإيمان يساعده ،
كل اللي عمله إنه رفع عينه للسما و صلي ..
و في نفس الوقت الله بعت له صديق إسمه حنانيا يساعده و يرعاه و يتلمذه و يصلي لأجله .

• داود لما كان في إحتياج لصديق روحي و شخصي الله بعت له شخص من قلب فم الأسد
.. بعت له إبن شاول الملك اللي بيعادي داود " يوناثان"
و مكتوب عن علاقتهم إنها كانت أعجب من محبة النساء .
. يعني أقوي من العلاقة العاطفية .

• راعوث لما كانت في أزمة و مجاعة ،
الله نظر إلي إتضاعها و محبتها لحماتها و إجتهادها و سعيها
و بعت ليها بوعز اللي ساعدها و غير حياتها و حياة أسرتها .

• إسحق لما إحتاج لشريك حياة ..
الخادم اللي في بيتهم صلي و طلب من الله زوجة و بالفعل بعت له رفقة ..
و مكتوب إنه فرح و تعزي بيها جداً بعد موت أمه سارة .

••• أطلب دايماً علاقات من السما لحياتك ..
علاقات هتصنع الفرق في حياتك هتلاقي فيها سندة
و تشجيع و تعضيد و محبة مش هتلاقي فيها شهوة
و لا إستغلال ولا إستنزاف ولا حسد ولا غيرة.

••• العلاقات دي لما تضعف و تكون هتسقط هتحميك
من السقوط لإنهم هيعضدوك و يسندوك ..
لما تكون محتاج لنجاح هيشجعوك و يدفعوك بدون أي حسد .
صلي و أطلب وصمم تاخد
علاقات من السما لحياتك â‌¤ï¸ڈ��