منتدى الفرح المسيحى - انت الأولي ان عمري كله يروح ليك

https://upload.chjoy.com/uploads/172300631243571.jpg

كل اللي ساندني في الدنيا دي ان ليا اب
اب اسمه مش بعد اسمي في البطاقه وخلاص
بس اب حاسس بيا وعارفني وأداني خلاص
يمكن اكون مكسور مجروح مش حاسس بأمان
بس مجرد ما بكي احس اني بقيت في ضمان
انا مش هاقولك ليه ولا اشمعني ولا كان نفسي
أنا هاقولك كفايا عليا ان المذبح هو حضني وباخد فيه نفَسي
أنا كل يوم بكتشف اني اتخلقت علشان اكون بتاعك
و كلماتي دي بكتبها وانت شايفني
وده يكفيني انك حاسسني
ونبضات قلبي انت عارف صدقها
وتعبي انت كاشف تفاصيله
وروحي انت بس كاشفها
فمش مهم غيرك عندي
انت وبس اللي فارقلي شايفني اذاي
اصلك انت الوحيد اللي مش بقدملك حاجه عليها القيمه
وشايفني احسن واحد
وياما ناس قدمنالها كل الحلو وشافونا وحشين
يبقي انت الأولي ان عمري كله يروح ليك