منتدى الفرح المسيحى - عايز اسمع حلوه ودعوه يذهب

https://upload.chjoy.com/uploads/172297822474571.jpg

عارف يارب لو كنت فى الموقف ده كان الموضوع اختلف تماما....💁🏼‍♀️🙅🏼
عارف لو كنت اتدخلت بدرى شوية كانت حاجات كتير اتغيرت .....🤷🏼‍♀️🙋🏼‍♂️
لكن باين عليك مش شايف مش مهتم
اتأخرت اوى والوقت عدى خلاص ⌛🕓🕔⌛.......
كلمات كتير مننا بيكررها على مدى السنين..
.بس صدقنى مش احنا بس اللى بنقولها...
من زمان قالوها مريم ومرثا لما المسيح راح لهم بعد موت لعازر
‫يُوحَنَّا 11:‏21
«يَا سَيِّدُ، لَوْ كُنْتَ هَهُنَا لَمْ يَمُتْ أَخِي!
كان باين أنه إتأخر..إنه مهتمش..إنه خلاص مفيش أمل...
بس هو بكلمة منه قال "لعازر هلم خارجا".....
يارب انده على كل لعازر بان إنه خلاص انتن ومفيش منه رجا...
..انده على كل موقف أو حالة بان انها فى كفن
ومش هاتطلع للنور تانى...
انده على كل لعازر قلنا بقي ذكرى وراح ..
..بدل الموت لحياة ..بدل الحزن والدموع لتهليل
..بدل قلة الايمان بمعجزة حقيقية يعلى فيها مجدك ويزيد ..
.....عايز اسمع "حلوه ودعوه يذهب "يو ١١ : ٤٤