منتدى الفرح المسيحى - خلوا بالكم من اللى بيحصل

https://upload.chjoy.com/uploads/172297606461091.jpg

- إزاي بتعمل كده يابني؟
=عادي .. ماتبقاش ضيق🙄

جملة بقينا بنسمعها كتير
إيه يعني لما الطفل يختار جنسه!!
إيه يعني لما الشاب يشبع احتياجه الجنsي في العادة السرية!! ماهو مابيئذيش حد..
إيه يعني لما الزوجة تحب واحد تاني غير زوجها!!
ماهو أصله رخم وصلب..
عاااااادي🤪
عارف يا صديقي المشكلة أن إبليس دخلها رملاية رملاية
لحد ما الجبل اتعمل🏜️
دخل بكل خبث واحدة واحدة علشان مناخدش بالنا
والحاجات دي نعديها... عاااادي
الحقيقة بأه أنه مش عادي خالص
عارفين ‫حِزْقِيَال ٢٢:‏٢٦
(كهَنَتُها خالَفوا شَريعَتي ونَجَّسوا أقداسي
. لم يُمَيِّزوا بَينَ المُقَدَّسِ والمُحَلَّلِ، ولَمْ يَعلَموا الفَرقَ
بَينَ النَّجِسِ والطّاهِرِ)

من الترجمة المبسطة
خَالَفَ كَهَنَتُهَا شَرِيعَتِي، وَنَجَّسُوا الأشْيَاءَ المُقَدَّسَةَ الَّتِي لِي
. لَمْ يُمَيِّزُوا بَيْنَ المُقَدَّسِ وَالدَنِسِ
، وَلَمْ يُخبِرُوا أحَدًا بِمَا هُوَ نَجِسٌ وَمَا هُوَ طَاهِرٌ.)
الشعب وقتها كان بيروح عند مذبح الله ويزنوا عادي
دخلوا عبادة الله مع عبادة الأوثان عادي
على فكرة قبولنا الافكار دي للأسف شبه ده أوي!!
الوقت الجاي إحنا جايين نقول لأ ده مش عادي🙅🏻‍♀️🙅🏻‍♂️

#لأ_ده_مش_عادي