منتدى الفرح المسيحى - ياريته كان اتكلم من بدرى

https://upload.chjoy.com/uploads/172297559135021.jpg

من الشخصيات المحيرة جدًا في الكتاب المقدس ... لوط!!
نفسه باره، بس بيعذب نفسه بالأفعال الأثيمة..
شايف وسامع وساكت! بيحاول يقنع نفسه إنه عادي
، ومالوش دعوة، المهم أنه هو وعيلته مش زيهم!!
بس سكوته دا ليه تمن، هو صحيح مش زيهم لحد دلوقتي..
بس بعد وقت الموضوع كان مأساه مع بناته..

الحقيقة ماعرفش لو كان اتكلم من الأول
وعبر عن المش عادي والمفروض والصح كانت القصة هتمشي إزاي، بس الأكيد إن تمن سكوته كان غالي أوي..
يمكن العالم حوالينا في كتير منه كده ويمكن مش عارفين
ولا قادرين ننعزل عنه ونعمل مجتمع بتاعنا يناسب إيماننا
وكتابنا المقدس، لكن اللي أعرفه إننا ممكن نعبر ونعلم عن الصح
، نحكي مع أولادنا وشبابنا واللي حوالينا
عن مبادئ الكتاب واللي ربنا عايزنا نكونه ونعيشه..
علي الاقل لو مغيرناش المجتمع نفوسنا البارة
مش هاتتعذب بالسكوت زي لوط..
لأ_ده_مش_عادي