منتدى الفرح المسيحى - منك بتعلم اقدّر مشاعر اللي حواليا وأشعر بيهم

https://upload.chjoy.com/uploads/172271631153251.jpg

يارب إنتَ مثال حقيقي في قبول كل المشاعر الانسانية❤️
لما بفرح مش بتقولي أهدأ، ولا حتى بتحذرني من حماسي
اللي ممكن يكون زيادة في بعض الاوقات،
لكن بتسبني أفرح بطريقتي..
شكرًا لأنك بتشجعني أحتفل واعبر عن فرحي 😍
ولما بحزن مش بتقولي "لازم افرح"، ولا حتى بتقولي "لازم أكون قوي"..!
بالعكس؛ بتسبني أختبر الآلم زي ما هوُّ
وبتيجي تبكي معايا وتحس باللي جوايا😊
منك بتعلم اقدّر مشاعر اللي حواليا وأشعر بيهم❤️
ومنك بتعلم إزاي افرح وأحزن مع الناس اللي حواليا
واسيبهم يعبروا بمشاعرهم زي ما هيَّ😊