منتدى الفرح المسيحى - محدش احسن من حد كلنا بنغلط

https://upload.chjoy.com/uploads/172219592619771.jpg

بنشوف في حياته كمية مواقف غلط
عملها وبنلاقيه عادي جداً يستغل احتياج
وجوع أخوه عيسو ويعمل معاه صفقه شريرة
عشان يتنازل عن البكورية مقابل طبق عدس
ندم يعقوب؟ لا أبدا
يوافق مامته رفقة ويساعدها في خطتها
على خداع إسحق أبوه ويستغل إنه مش بيشوف
علشان ياخد هو البركة بدل أخوه
ندم يعقوب؟ لا أبدا
يخدع خاله لبان في الغنم وياخد منه الأغنام القوية
ندم يعقوب؟ لا أبدا

أوقات كتير أنا وأنت بنكون زي يعقوب،
عارفين انه غلط ونخطط له ومرة في مرة بنعتاد عليه.
. ماحدش أحسن من حد كلنا بنغلط..
عشان كده جايين يارب بنتوب قدامك
عن كل مرة تكيفت فيها مع المواقف الغلط،
اديني قوة وساعدني أقول للشر لأ🙏
إنسان_ولكن