منتدى الفرح المسيحى - انا بس كل اللي طالبه، اني اعيش عادي

https://upload.chjoy.com/uploads/172212111343151.jpg

ساعدني يارب اتخطى من جوايا كل اللي مش قادر احكيه لحد

ساعدني اتجاوز كل صور وذكريات واوجاع قديمة عايشة
في ذاكرتي مش بتتمسح

ساعدني اتصالح مع ماضي مليان وجع
وتعقيدات محدش قادر يحس بيها غيري

ساعدني انتصر في معركتي الداخلية مع افكاري ودماغي الصعبة
ساعدني اتفك من الماضي واعيش "هنا" في اللحظة دي بس

ساعدني اعيش "عادي" يارب.. عادي زي باقي الناس..
مش طالب فرحة زيادة ولا حياة فوق الطبيعي..

انا بس كل اللي طالبه، اني اعيش عادي..