منتدى الفرح المسيحى - هل إنت بتحس بالمسيح بيكبر فيك

https://upload.chjoy.com/uploads/172177636475121.jpg

إفرض إن فيه في آخر الكنيسة صورة بتاعة السيد المسيح طولها حوالي ٢ متر
لكن أنا هنا بيني وبينها ۳۰ متر فأنا شايف الصورة دي
يعني بتاعة يمكن ربع متر.. كل ما أبعد تبقى صغيرة..
مشيت شوية أو قربت منها و لما قربت شوية
لقيت الصورة بدل ما كانت ربع متر أحلوّت بقت نص متر..
كبرت كدة وبقيت جميلة وكويسة..
إتشجعت قولت طب ما أجري أكتر كمان..
فجريت أكثر لقيت الصورة بقيت بدل ما كانت نص متر بقت ٤/٣ متر
فاتفتحت نفسي قولت أما أتوب تاني وأجري أكتر أقرب من الصورة..
وده يوريلك إن أنا هافضل طول حياتي كل ما المسيح يوضح فيا شوية أفرح
وأقول أما أتوب من جديد، وكل ما يوضح فيا أتوب من جديد..
أنا عايز أسألك سؤال باختصار دلوقتى..
هل إنت بتحس بالمسيح بيكبر فيك، بينور فيك، بيظهر فيك.؟
[أبونا بيشوي كامل]