منتدى الفرح المسيحى - يا بنتى انتى المفروض تسترى بدل ما تفضحى!!

https://upload.chjoy.com/uploads/172169828478961.jpg

نيافه الأنبا هيرمينا جاله سؤال من خادمه
بتقوله إنها كانت فى مؤتمر مع بناتها
و حصل إن فى بنت منهم جت تقولها إن ضاع منها فلوس
فـ هيا شكت على طول أن في حد من البنات سرق الفلوس دى
و كان رد فعل الخادمه أنها قفلت باب الاوضه
و قالت مفيش واحده هتنزل من غير ما تتفتش ..

سيدنا قاطعها و قالها ليه يا بنتى عملتى كدا

مش ممكن الفلوس تكون ضاعت منها فعلاً!!

و لو مضاعتش و حد اخدها ..
لما تفتشيهم و تطلعي الفلوس من بنت قدامهم
كدا هتفضحيها وسط صحباتها و الخبر هينتشر بعد كدا .
. و هتفضل طول عمرها الناس شيفاها حراميه!!

المفروض انك كنتى تسترى علي بنتك بدل ما تفضحيها!!

كنت اديتى فرصه للى اخدت الفلوس أنها ترجعها
كنتى قعدتى مع كل بنت على انفراد تتكلموا
و ترجعي الفلوس من سكات من غير ما حد يعرف مين اللى اخد الفلوس!!

يا بنتى انتى المفروض تسترى بدل ما تفضحى!!

- الأنبا هيرمينا اسقف عام كنائس شرق و وسط اسكندريه♥️