منتدى الفرح المسيحى - كلمات ترنيمة جوه في إنجيلك

https://upload.chjoy.com/uploads/171448891510031.jpeg

كلمات ترنيمة جوه في إنجيلك

بهرب من افكاري واجيلك وأحتمي بيك جوه في انجيلك
بسمع صوتك من كلماته وبشوف صورتك بين حكياته
تفضل تحكيلي وأحكيلك
لما سهام الشهوة تصيبني بجري بسرعة علي التكوين
يوسف الصديق يستقبلني يحكي يقول لي بكل يقين
عن تجربته وعفة قلبه افرح وأبكي بدمع العين
لما بحس بخوف من بكره بفتح متي اصحاح سته
بطمني وعودك الحلوه انك ما هتنساني في مره
زي طيور السما فرحانه نفسي بيك فرحانه وحُره
لو ابليس باليأس حاربني وبخطايايا جه يفكرني
بلقي داوود النبي كلمني من صمويل اتنين فهمني
ان الرحمة في قلبك دايماً كل ذنوبي حملتها عني
بهرب من افكاري واجيلك وأحتمي بيك جوه في انجيلك
بسمع صوتك من كلماته وبشوف صورتك بين حكياته
تفضل تحكيلي وأحكيلك