منتدى الفرح المسيحى - زوادة اليوم: إرضاء الناس 2024/7/14

زوادة اليوم:
إرضاء الناس
https://upload.chjoy.com/uploads/172058848461771.jpg

بيخبّرو عن شبّ كان عندو محاضرة كتير مهمِّة بالشغل
، ترك البيت وكان لابس تياب بتليق بالمحاضرة.

بسّ بالطريق إلتقى بصديق، سألو :

«شو عندَك»؟

خبَّرو عن المحاضرة، بيقلّو صديقو :

«بس قميصك مش لابقة على البنطلون».

بيرجع على البيت بيغيِّر القميص
، وبالطريق صديق تاني بيحكيه عن البنطلون
، يلّي كمان بيرجع لحتَّى يغيّرو، وخاف يوصل متأخِّر على الشركة.

بسّ الله دبَّرها ووُصِل قبل الوقت، وهون المشكلة، بلَّشو الزُملَا :

«لازم صوتك يكون غير هيك،
ونظراتك غير هيك وحركاتك غير هيك وا وا وا»...

خُلصِت المُحاضرة على خير، رجع على البيت
وكان عم يحضر التسجيل هوّي وخيّو الزغير يلّي قلّو بكلّ بساطة :

«مين يلّي عَم يحكي؟ أكيد هيدا مش إنت».

الزوّادة بتقلّي وبتقلّك :

الإنسان مجموعة من العناصر الكتير زغيرة.

ما تحاول إرضاء الناس وتغيِّر من حقيقتك، لأنَّك رح بتصير شخص تاني.

تذكَّر على طول، يلّي ما بيعجبو شعرك رح يعجبوه عينيك، ويلّي ما بتعجبو نبرة صوتك رح يعجبوه أفكارك، ما تغيِّر ما دمت مقتنع باللي إنتَ عليه، والله معك