منتدى الفرح المسيحى - زوادة اليوم: بسيطة كلها هالمرَّة 2024/7/12

زوادة اليوم:
بسيطة كلها هالمرَّة

https://upload.chjoy.com/uploads/172058848461771.jpg
بيخبرو عن غابة مرق وقت صاروا الأزهار يختفوا
و النحل ما بقا لاقى أزهار كافية تا يعمل العسل!

قام الأسد حطّ حارس عالأزهار ليشوف شو عم يصير.

أوّل يوم إجا غزال قطف زهرة سألو الحارس ليش؟
قلّو كلها زهرة وحدة ما رح تقدِّم و تأخِّر!

رِجِع إجا الطاووس قطف زهرة زيّن فيها ريشاتو
و لمّا إنسأل قال بسيطة كلها زهرة وحدة مش هيّي المشكلة!

رجعت البطّة قطفت زهرة تا تحطها ببيتها و هيك
كان كل واحد من الحيوانات عم يقطف زهرة
و يقول ما بيأثِّر بالآخر فُضيِت الغابة!

قرَّر الأسد يعاقب كلّ واحد بيقطف زهرة
و يمنعوا ياخد حصتو من العسل!

نحنا هيك منقول معليش هالكذبة البيضا،
معليش هالخطيِّة الزغيرة، بسيطة كلها هالمرَّة و بالآخر
منكون عم نبعد عن الربّ و عم نحرم حالنا من الحياة الأبديِّة!

توبوا إلى الربِّ إنَّ الملكوت قريب!
والله معكن.