منتدى الفرح المسيحى

https://upload.chjoy.com/uploads/172050938943381.jpg

من يومين هفني الشوق على كوباية عصير قصب مشبره
دخلت المحل طلبت كوبايه كبيره وسألته
اهم حاجه مسكر ولا اي كلام
ابتسم وقالي بصراحه مش مسكر قوي بس هظبطهولك

قولتله لا خلاص اديني كوبايه صغيره
المهم عصر جديد وصبه في الخلاط وحط عليه شوية عسل وضربه كويس وصبهولي في كوبايه كبيره وقالي اتفضل دوق وقولي

شربت لقيت طعمه جامد ، ولا احسنها قصب شربته قبل كده

لولا العسل مكنتش كملت الكوبايه
لولا العسل كنت اكتفيت باقل كمية
لولا العسل كان طعم المراره هايفضل على لساني

الموضوع كله في شوية عسل
في كلمة طيبه
طبطبه في ميعادها
غفران رغم الزعل
ابتسامه في عز الغضب

هايتمنوا علاقتهم بيك ماتخلصش
ومش ماهيكتفوا منك
وطعم الفرحه مش هيفارق حياتهم

شوية عسل ياراجل يامدب ياللي واجع الكل بكلامك
شوية عسل يبلعوا ريقهم بيه ويحسن الدبش اللي طالع منك
شوية عسل مش هايكلفك كتير ،
بس هايخليك انسان جميل مايتشبعش منه