منتدى الفرح المسيحى - ليه اصلي بالقبطي ادام مش فاهمها

https://upload.chjoy.com/uploads/17203865015491.jpg

ليه اصلي بالقبطي ادام مش فاهمها ؟؟ 🤔🤔

➕️ واحد من الشعب سأل قداسة البابا شنـ👑ـوده:
اللغة القبطية لماذا نستعملها كثيراً، إذا كان الله خلقنا عربي؟!
ومعظم الناس في القداس مش فاهمين حاجة
، ونصهم بينام ويشعروا بملل؟!

وقداستــه يجيب:
+لا إنت فاكر نفسك لما تنام، كل الناس بيناموا !!
أو إنت لما بتشعر بملل وعدم فهم، تفتكر كل الناس كده !!
بمرور الوقت الناس بيتعلموا..
+هو إحنا لو لغينا اللغة القبطية، هنلغي الألحان
ونلغي الموسيقى القبطية، ودي خسارة كبيرة جداً !!
+كمان لما تلغي اللغة القبطية، بتلغي هويتك وأصلك..
لأنك أصلك قبطي !!
+ ومش المهم في القداس بس عنصر الفهم،
ممكن التأثُر والمشاعر ليها فايدتها الكبيرة !!
= مفيش شك أي واحد بيسمع لحن "آجيوس الحزايني" بيعرف معناها وبيعرف كلمة آجيوس يعني قدوس.. بيعرف !!
= ويعرف إن (ذوكسابتري كي أيو كي.. =المجد للآب والإبن والروح القدس)..
= وطول الوقت الناس بيلقطوا حاجات كتيرة..
⬅️ومع ذلك دلوقتي في جزء كبير من القداس باللغة العربية..

+++ لكن ما نقدرش نلغي هويتنا كلها
من أجل إن واحد يفهم أو ما يفهمش ...
ده أنت لو فهمت نص القداس يبقى كفاية عليك..

❤️ . معلم الأجيال . ❤️