منتدى الفرح المسيحى - الزَّعل بيكسر القلب وبيموِّت

https://upload.chjoy.com/uploads/172033423619251.jpg

فيه جُملة خطيرة قالها عالمنا الجليل د.مجدي يعقوب ،
بتقول : "الزَّعل بيكسر القلب وبيموِّت"

ودي حقيقة ، وبقت واقع بنعيشه للأسف...

بقينا نشوف شباب حلو بتروح مننا وبتموت فجأة
بسبب الزّعل والحُزن وكسرة القلب والضغوط النفسية اللي مروا بيها .!

بقينا نشوف قلوب بتقف فجأة عن النبض لمجرد إنها حسِّت بالوجع..
لمجرد ان عضلات القلب اتوجعت واتكسرت..

بقينا نشوف شباب صغير يقولك "أنا حاسس بنغصة في قلبي.. "
بقينا نسمع كلمة :
إزاي ده حصل.. ده كان / كانت معايا امبارح !

اوعي تستهونوا بالزّعل علشان الزعل بيموِّت بجد
اوعوا تستهونوا بالظلم علشان الظلم بيموِّت
اوعوا تستهونوا بكسرة القلب علشان الكسر بيموِّت

ومع كل حد بيموت فجأة بتأكد إن الحياة أبسط من كل الصراعات اللي عايشين فيها.. بتأكد في كل مرّة إن مفيش حاجة تستاهل
إننا نموت زعلانين فجأة علشانها .!
- |