منتدى الفرح المسيحى - لا تُعاتب غادر فقط

https://upload.chjoy.com/uploads/171975617061731.jpg

فى المنطقه عندنا دايماً النور يقطع ، فا روحت عشان اشترى كشاف بالشحن ، اخدته وشحنته وتمام واول ما النور قطع يادوب قعد عشر دقايق وفصل ..
روحت تانى يوم اعاتب الراجل قولتله بردو ينفع كدا دانا حتى مافاصلتش معاك ودفعت كل اللى طلبته ، تقوم فى الاخر تدينى حاجه وحشه ..
قالى حقك عليا انا هاجبلك حاجه انضف بس سعرها عالى شويه لسه واصلالى انهرده ..
قولتله هاته المهم يكون نضيف ويستحمل شغل
المهم
خدته وشحنته وبعد ساعه شحن لاقيته دخن وخرب الدنيا عندى
فضلت اسبوع كامل رايح جاى على الراجل وهو كل حاجته وحشه ومافيش فايده فيه لغاية ما فى الاخر خدت منه فلوسى وروحت جبت من واحد غيره ..
الموقف ده بيفكرنى
بالناس اللى بنديلهم كل حاجه وهم بيدونا اسوأ حاجه عندهم ، والعتاب معاهم مافيش منه اى فايده ، بيسمعوا الكلام من هنا ويوعدوك وعود وفى الاخر ماينفزوهاش فا خلاص بقى مافيش حل غير انك تعتزلهم ..
وعلى رايك عمنا نجيب محفوظ
"لا تُعاتب غادر فقط."