منتدى الفرح المسيحى - بيفرق معاه القلب

https://upload.chjoy.com/uploads/171891193636911.jpg

أكتر حاجة كانت بتميز شخصية داود
هو أنه كان حقيقي وكان بيروح لربنا كده زي ما هو،
بإحباطه وضيقه وحيرته وأسئلته
، ويحكيها قدام الرب وبعدين يرفع عيونه عليه ويعلن مين هو ربنا..
وكأن داود بيعترف بحالته وبيقدر مشاعره
لكنه مش عايزها تبلعه فبيرفع عينه على الكبير
اللي يقدر على اللي هو مش قادر عليه،
ويمكن حقيقيته وصراحته خلّيت الرب يقول عنه إنه بحسب قلبه.
حتى لما غلط وجه ناثان النبي وبخه،
هو ما اتكبرش وكتب مزمور ٥١ مزمور التوبة..🤲

الله بيفرق معاه القلب الحقيقي الصادق
اللي بيحكي مع ربنا في كل حاجة
ومش بيتكسف إنه يشاركه أي أفكار أو مشاعر جواه..
إنسان_ولكن