منتدى الفرح المسيحى - زوادة اليوم: طابخ السَمّ أكله 2024/6/20

زوادة اليوم:
طابخ السَمّ أكله

https://upload.chjoy.com/uploads/171843117488441.jpg
بيخبّرو عن رِجَّال نِزِل مع مَرتو على سُوق الصاغة، وطلب منّها تختار هديِّة لإمّو على ذوقها.
حسِّت بالغيرة عَم تحرقها من الداخل، وقرَّرِت تختار الهديِّة الأقلّ قيمة بمحلّ المجوهرات.
الرِجّال بيدفع التمن وبيطلب من صاحب المحل يغلِّفها بورقة هديِّة لايقة.
المسا، وبعد العشا، تقدَّم الرِجّال من مَرتو وقدَّملها الهديِّة هوّي وعَم بيقلّها :
«بكلّ بساطة حبَّيتِك إنِّك تنقّي هديّتِك بنفسِك، هيك بتكون على ذوقِك».
الزوّادة بتقلّي وبتقلّك :
بكل بساطة ما تعمل للآخرين الأعمال يلّي ما بتحبّ حَدا يعملها فيك
وما تقدِّم للآخرين يلّي ما بتحبّ إنّو يتقدَّم لإلك، والله معك