منتدى الفرح المسيحى - خلينى دايمًا أصرخلك وأقول وَجْهَكَ يَا رَبُّ أَطْلُبُ

https://upload.chjoy.com/uploads/171844134867841.jpg

بقالى وقت باصلى بالكلمات دي:

طلبت وجهك ولوجهك يارب التمس لا تحجب وجهك عني
وبعدين قعدت اسأل نفسي وأفكر
هو فعلًا ربنا ممكن أوقات مايسمعنيش أو يحجب وجهه عني؟!
الحقيقة لاقيت أني أنا اللي باقرر أبعد عنه
وأودى وشي الناحية التانية..
أوقات أنا اللي باختار أمشي طريقي لوحدي
وأختار اختيارات مش صح واتوه وسط أمور ومشاكل وأنا مقررة أعملها لوحدي من غيره !!

وافتكرت أنه عمره ماحجب وجهه عني
، طول الوقت بيحبني ..بيسمعني.. بيحس بيّ. بيفهمني..
بيرفعني فوق أي ظروف ..عايز يمشي معايّ ف سكتي .....

قولتله سامحني عن كل مرة قررت فيها
أني مش هاطلب وجهك والتمسه
خلينى دايمًا أصرخلك وأقول
وَجْهَكَ يَا رَبُّ أَطْلُبُ. لاَ تَحْجُبْ وَجْهَكَ عَنِّي (مز ٢٧ : ٨ -٩)